Kenangan Berpuasa

Once upon a time,

Masa tu kalau tak silap atok, atok masih sekolah rondah kot. Dalam darjah satu atau duo camtu. Menjadi kebiasaan kalau sesiapa yang didapati poso ponuh, pok cik atok akan kasi duit rayo lobih limo kali gando bagi mereko yang tak poso. So, atok harus gigih poso ponuh tahun tu jugak.

Maso sahur hari pertamo tu, atok beriyo-iyo makan. Porut kasi boto-boto ponuh. Air minum bertaka-taka. Sampai terkoncing-koncing. Hari pertamo tu muko sonyum yo. Bertenago pasal sahur tadi bekalan mencukupi. Masuk tongah hari badan dah lombik sikit. Dah melepet atas lantai simen. Kebosanan! Tak tahu nak buek apo. Maso tu mano ada menatang pesbook sumo nih.

Masuk pukul duo masih bertahan. Kawan atok ajak keluar main kat luar rumah. Main nyorok-nyorok katanya. Atok pun apo laie. Pandang jam dinding baru pukul 2. Lambek laie. Main-main nanti dah terus nak buko poso. Tak teraso sangat lamanya, bagi perkiraan atok. So, atok pun setuju keluar bermain.

Main punyo main jam dah pukul 5 potang. Atok copek-copek bukak TV1 tengok cito Gaban. Atok raso bertenago semulo. Fresh. Lapang. Lemak berkrim! Berangin. Cool. Pastu atok jeling kat tangan. Masyaallah, aku sedang menelan air sejuk!......Time tu jugak atok p dapur melalak kat omak sobab dah terminum air sojuk. Pueh lah omak pujuk, takpo tak sengajo koba eh. Warghhhhh melayang duit rayo limo kali gando den....

Pesan atok : Kito maso kocik2 dulu tahu sayang nak tinggalkan puasa, tapi dah bosar-bosar ni sesuko hati yo tinggalkan puasa. Selamat berpuasa!  =)