Blok 404

Ha, semalam punyo cito. Macam biasolah, lopeh atok makan malam atok landing atas tikar buluh pastu online kojap. Online punyo online, atok bukak la blog. Cadangnya nak balas komen dengan blogwalking. Ok fine, komen dah balas. Sekarang ni nak folow balik orang yang tinggal jejak kat blog atok. Baru yo nak klik namo peninggal jejak, tibo-tibo shoutbox atok blank. Dia keluar macam paparan x bayar line internet. Aik, napo lak ni. Atok dah risau dah ni. Macam-macam atok dah pikir dah. Mesti orang hantar virus kat blog cap ayam kaki tiga atok ni <----konon blog kau pemes la tok?

Atok cubo try test tekan F5, tak jalan gak. Refresh lagi, pun samo gak. Last-last atok dah pedap, atok terus turn off laptop. Belum pukul soploh lagi tu. So, atok dah mati kutu lah nak buek apo lopeh ni. Tak lain tak bukan, atok skodeng meggi perisa ayam kat bawah gobok dapur. Nah! Seb bek ko ado. Tak adolah aku bosan malam ni. Panas air, masuk meggi, masuk perencah, pastu masuk mulut. Siap! Ok, peh tu nak buek apo?? Arggghhh!! Atok mati kutu dah ni...Last-last atok pun tertido dalam iman.

KokOKOkoOooKk.....pukul 4.30 pagi ayam dah kokok!
"Sapo punyo ayam gilo pagi-pagi ni memokak gak eh,"rungut atok dalam hati.
Laaa....atok punyo alarm clock. Atok lupo, atok yang set kan jap 4.30pagi. Iyolah, atok kono gigih bangun pagi sobab entry untuk esok tak buek lagi nih!

 Nanti cucu-cucu atok lari. Atok pun on balik laptop. Pehtu perkara pertama yang atok cek ialah shoutbox. Alhamdulillah dah ok dah. Pehtu, atok terus buek entry. Dah siap tu, atok tercek pula kat ruangan pengikut. Atok gosok-gosok mato. Haish, bolum subuh laie ni. Angka ni buat aku seram ni. Itu dia...

Blok 404

Cucu atok dah cocah 404 orang setakat pagi tadi. Alhamdulillah. Nanti atok belanjo gulo-gulo kapas k....
^_^