Nampaknya...

Perhatian! Entry ini telah dikarang pada 30.12.2010 jam 2244. Tetapi autopublish pado 31.12.2010 jam 0750. Sobab....sobab atok punyo suko la

Adoi. Sendi-sendi dah lenguh. Badan rasa macam boghek. Jalan tertonjet-tonjet macam budak baru lopeh bersunat. Kaki dah sojuk. Dahi macam nak bertukar suhu ke angka merisaukan. Leher apatah lagi.  Lotak tolor ayam, leh jadi tolor mato kobau. Ingatkan coti 3 hari ni dapatlah atok menikmati percutian sambil belajar kat kampung atok ni 3 hari 3 malam. Nampaknya macam menikmati coti gak. Menikmati coti ateh katil doploh ompek jam. ATOK NAK DOMAM!!!

Atok usha ayah atok tadi (monyang kau lah), ado ubek viagra panadol besar duit 50sen tak? Dio koba tak ado. Yang bonar eh, atok tak suko makan panadol ni, tapi kalau dah tak ado bondo nak di tolan an atok bodal lah. Nak cari 100 plus malam-malam buto ni kat mano? Kampung atok ni bukannya ado seben eleben.

Banyak kojo nak dibuek esok ni. Nak beghosih an bangsal cendawan, nak bagi kobau makan, nak fotoshoot kek kobun gotah. Macam-macamlah. Nampak gayo eh, terpaksolah mak datin servis 5 stars kat atok sok. Makan siap! Minum siap! Tonpi, kalau makan bersuap bagai alamat pelompang siam lah kono. Lobih bonar manjo eh tu.

Atok pun tak terdayo nak jalan-jalan blog malam ni ha. Macam nak tercabut sondi-sondi den ni ghaso eh. Macam domam chikunyunya pun ado yo raso eh. Adoooi. Nampaknya.....terpaksolah atok try petuo kak milah pasal entry domam. Ontah bulih pakai ko tak si Milah tu. Moh klik [SINI] kalau nak skodeng petua Kak Milah.