Aktiviti percutian 5 hari 4 malam

Ha itu dia. Atok bukan bercuti kat New Zealand k! Atok hanya bercuti di kampungku syurgaku di Palong, Gemas. Sapo orang Palong, Gemas, angkat kening! Sepatutnya hampir tiap-tiap minggu atok balik kampung memandangkan lokasi Seremban-Palong tak jauh. Atok bosan duk Somban. Atok mati kutu tak tahu apo nak buek sanun. Kalau kek Palong ni bulihlah atok menternak kobau, mengejar ayam serama, bermain-main ngan itik dan sebagainya.

Kalau kasi atok duduk 10 tahun 10 bulan kat kampung pun atok sanggup. Atok berjiwa kampung. Atok suko kampung! Sejuk. Nyaman. Tenang. Damai. Takde masalah. Pendek kato atok suko! Macam-macam aktiviti atok bulih buek. Tapi pagi sabtu aritu, atok kono tolong mak datin susunkan pasu bungo eh. Terpeleot-peleot tulang tunjang atok mengangkek pasu bungo godang tu. Habih 1Laman 1 malaysia atok kasi trim. Sonyum pueh mak datin.  Takpolah, sekurang-kurangnya keluar jugak poloh.

Inilah pasu bongo yang hampir meragut nyawo atok

Esoknya pulak ari ahad atok sibuk mengomeh an bangsal cendawan. Dah lamo tak berusik sejak bonzer masuk politeknik aritu. So, takdo sesapo nak jago. Tinggal sorang yo bonzer tingkatan 2 ni tolong tengok-tengokan. Maso atok bersih an bangsal tu, masyaAllah segala spesis ado dalam bangsal tu. Pendek kato dah bulih buek mini zoo dah. Atok caj sorang 2 hengget sapo nak masuk mini zoo atok tu. Bleh?

Dalam bangsal ni macam2 menatang ado. Rimau yo takdo.

Hari ni pulak atok amek cuti. Tak mau ngadap muka Datuk. Kan Alina kan? kan?. Atok tak mau nak kusut an pikiran atok sepanjang cuti 5 hari 4 malam atok ni dengan kerja-kerja pejabat. Atok off kan henset! Hihi jahat aku. Ari isnin tadi atok komeh an bilik atok. Pun dah macam mini zoo. Tapi mini zoo ni advance sikit. Ado bulan bintang bagai. Ni hadiah besday atok yang ke ** aritu oleh fruit daughter atok.

"Pak Teh pasang gak! Tak kira!,"kata kakak Piya (sufia).

"Haih, tak mau lah. Bintang-bintang buek apo!,"kata atok

"Ala.......,ni hadiah dari kakak tau. Tak baik buang adiah kakak"

Tang ni je kemas...belakang kamera jangan cakapla...

Macam kat planetrium dah bilik aku.

See...cuba korang tengok. Kecik-kecik dah psyco. Mesti lepas ni orang kata aku kanak-kanak ribena yang menggantungkan bulan bintang di atas syiling biliknya. La ni dah masuk duo kali bulan tu jatuh. Atok lah kono tampal balik. Kalau tak mak nenek tu mesti psyco atok. Walhal dio suko tido kat bilik atok tengok bulan bintang tu kalau dio balik kampung.  Sodih....