Jelajah 1Malaysia lagi

Sumbangan abang google maps

Hari ahad aritu atok telah menghantar adik atok mendaftar di Politeknik Sulatan Idris Shah, Sabak Bernam. Haih! Sabak Bernam lagik. Haritu atok berkursus kat Sabak Bernam gak. Kesian kau kan tok. Orang lain menjelajah ke London, Korea bagai takdo pun heboh dalam blog macam kau.

Takpolah, bolum rojoki laie nak poie obesi. Atok aim satu yo. Atok nak poie mokah dulu. Pedulik an Jopun, Korea, London bagai tu. Bukan dapek saham akhirat pun.  Err....kalau ado duit lobih, baru leh poie. Atok nak tokankan perkataan "kalau ado duit lobih"

Maso atok poie berkursus aritu, perjalanan Somban-Sabak Bernam memakan maso dalam 4 jam lobih. Gilo paneh punggung lopeh tu. Tapi kali ni atok ikut GPS made in China atok tu. Kiro dokek gak lah. Dalam 3 jam dah sampai. Atok bertolak pukul 6 pagi dan sampai dalam pukul kuat-kuat 9 pagi macam tu.

Mulo-mulo atok dah kauteam baik ngan ayah atok. Atok drive maso nak poie, ayah atok drive maso nak balik. Siap match jari kelingking.  Omak atok jadi mak datin kat seat belakang diapit bonzer duo orang adik atok. Dahlah malam tu atok berjogging blog lewat malam, pehtu pagi-pagi nak kena bangun. Nah, setepek lingkaran hitam dikeliling mato.

Dah daftar bagai, atok dan keluargo pun baliklah. Ha, janji tetap janji. Yesza! Ayah atok drive. Macam biasolah, mak atok jadi mak datin dan diapit sorang je bonzer. Bonzer yang sorang tu dah kena tinggal kat PSIS tadi. Dalam kete atok terhangguk-hangguk sebab mengantuk. Kejap mata buntang, kejap sepet, kejap lagi kepala aku nak cecah dashboard kete dah.

Drive punya drive, last-last ayah atok lak give up sebelum sampai Shah Alam laie. Dia pun dah terhangguk-hangguk. Malam tadi tengok cito kungfu. Nak tak nak kono lah atok drive sampai ke Somban. Sampai-sampai je umah, atok pun terus..............



Pengsan atas lantai