Jumaat, 14 November 2014

Atok lagi makan garam sayang oii

Haluuuuuuu assalammualaikum!!

Kejadian ni berlaku duo tigo hari lopeh. Maso tu kalau x silap atok lunch hour. Den tongah mengidam ayam goreng, jadinya atok pun poie la Mydin MITC untuk mencari ayam goreng kat stesyen 'Ready To Eat'. Kebotulan maso tu memang nak boli wiskes si Alex dan Jenab sekali. So di Mydin la pilihan yang topat. Walhal duit xdo nak boli ayam kehepsi.

Pilih punyo pilih, atok amiklah bahagian dado, peh tu beratur la untuk bayar.
atok yang belakang sekali tu

Atok perasan yang jago kaunter tu budak pompuan. Sihat-walafiat budak eyy. Rondah-rondah yo. Bilomano sampai giliran atok untuk bayar, budak pompuan ni pun caj la atok RM 3.80. (seketul RM1.89, atok amik dua ketul dado ayam)

Pastu atok kasilah duit RM5, dio balikkan atok RM1.20. Proses menjual boli pun selamat berlaku. Atok amik ayam, dio amik duit. Tapi atok totap berdiri lamo kat situ. Budak tadi terkulat-kulat mandang atok. Pastu dongan senyuman lebar eyy atok pun bersuaro.

"Saya nak resit," pehtu buat camni ----->   =)

Barulah budak ketot ni nak punch ayam tu dikkk. 
'Kting!!!!,"mesin pengira berbunyi.
Pehtu keluarlah resit tadi. Dio kasi atok resit.

***********************************************************

Helllooooo,
Ko ingat aku b***h?....atok dulu pernah keje cashier hot Kolumpo 1991 hokeyyy.....amboi banyak lawa muko kau?.....kalau ado 10 orang macam pompuan ni kojo sini, kompem bankrap Mydin tu. Aiyoooo....ayam atok dio tak punch. Kironyo atok macam tak bayar la....Kalau tak bayar tu makno eyy atok makan makanan haram laaa....Amboiiii kau ketot....

Atok nak nasihat sikit. Setakat duit 3.80 tu kalau masuk dalam poket kau memang tak memberi kosan pun. Tapi kalau duit dah jadi darah daging kau dik, alamatnya anak2 ***** lah yang bakal lahir nanti. Ingat, gaji biar kocik, yang ponting halal dan barakoh.

**Lepas amik resit, atok sempat tegur...."next time jangan lupa punch"** ----flip the hair terus berjalan laju

Selasa, 11 November 2014

Atok rindu kek kau sobab tu The Atok Return 2014!!

Assalammualaikum,

Salam The Atok Return 2014!
Salam no plat kena ukur 2014!!

Ya Robbi,
Atok tak tahu nak start dari mano. Sumpah atok dah hilang skill untuk menulis setelah berbulan-bulan tak menulis. Kalau tak silap atok tahun 2014, cumo ado duo entry yo yang atok tulih...Atok mintak mahap kalau tulisan atok tak berbiso macam dulu. Ado biso ko masalah eyyy??

Sampaikan bilo atok stalker semulo cucu-cucu yang ponah membaco blog atok dulu sudahpun beranak-pinak sekarang! Sampaikan cucu yang sebaris berblog dongan atok dulu dah habis study! Sampaikan cucu yang rajin memberikan komen pada entry atok dulu dah bosa menggajah semakin sihat walafiat! Sampaikan Ikon Apo2 Yolah yang pertamo dulu, Noury Nor dah beranak satu!! Sumpah atok rindu tekau! Atok rinduuuuuu =(

Tanggal 9 November 2014,
Atok terjumpo majalah Remajo keluaran Mac 2012. Kek situlah atok nampak blog atok yang buruk dan papa kedano ni terpampang di majalah kegemaran remajo. Atok tak sangko macam mano blog yang tak bermanafaat ni buleh terlokap dalam salah satu page ruangan majalah Remajo tu. Di cetak dan dipaparkan diseluruh negaro. Atok sangat terharu maso tu. Teraso diri ini di awangan ibarat bergelar juara Bintang Baru AF 2014 mengalahkan Firmannnnn.....eh?!!

Musti ekau nak tau kan. Tang mano sumber kekuatan eyy yang membuekkan The Mummy Atok Return 2014 buleh terbit semulo. Ni sobab eyyy......


Kak Aziela......atok mintak mahap sesangat! :'(
Atok dah tak tahu nak start blogging camano sojak atok pindah Melako. Bukan salah Melako, tapi salah atok. Sobab atok maleh. Wuwuwuwuwuuuuu.


Janganlah smack down atok Gee GTG.....kot terbarai tulang-belulang atok ni aaaaa.....gotah tu ado yo laie....hargo dah turunnnnn


Atok pun ghindu kek shiQin Az   :(


Hamboi ekau ||aLeaSaRa||, pembodahan plastik koba ey....atok makan ulam potai yo cuuuuuu


Kak Aziela laie.....hmmmmmmm  :(   Akak, atok mintak mahap lagi sekali yo....atok maleh...tu yo alasan eyy.....atok tau, sebolom nak mulokan kojo musti akak baco blog den dulu kan....pehtu akak ajak kengkawan opis akak berjemaah pehtu tergolak ramai-ramai dalam opis kan....

Hamboi...kelessss siap kena culik kat alien....kekekeke....nakai noh!


Jejagaaaa......ada mata memeghatiiiii......kuikuikui


Atok kek sini Zul Fattah......cumo atok tak jumpo mano semangat atok.....ado jumpo tak??

Hmmmmmmm  :(


Kannn  :( Atok cubo yo Ain Dzaya
Tak lupo pado cucu-cucu lain yang senantiaso bersamo atok susah sonang.... Sobab ni lah atok cubo untuk menulis balik walaupun kudrat tulang empat-kerat ni dah tunggu maso di kerat-kerat....**eh macam ngeri pulak aku baca**


Bilo mano atok up Instagram gambau blog Apo2 Yolah, ramai yang bagi feedback cenggini. Atok yakin lobih separuh yang like tu adolah saki-baki cucu atok yang rajin mengikuti perkombangan atok dulu kan???.....baik ngaku copek....Tak ngaku den maleh nak menulih lagi!! bahahahaha  [IG atok : suhamiahmad]
Itulah sobab ey....Sobab utamo eyy sobab cucu-cucu atok yang masih sayangkan zaman kegemilangan atok dulu...Gemilang ko??....baik ko cakap iyo....kalau tak.......hahahahahaha....Atok mintak mahap sekali lagi. Walaupun tak berhari-hari menulih, tapi atok cubo sedayo-upayo menulih seminggu sekurang-kurang eyy duo kali...Cubo yo.....

duo kali seminggu yo bang........


Psstttt....ha sapo deh watak baru dalam blog Apo2 Yolah 2014 ittew?.....memperkona an Wan Sa'odah binti Kulup!!....Welcome Odah!!.....Sa'odah ni jiran den...bosan koba ey anak cucu dah bosar panjang, tak balik kampung....tu yang sibuk nak menulih tu tedio...Nantikan entry pertamo Wan Sa'odah nanti yo!!!

*Standby Odah yo!!*

Bubyeeee

PENAFIAN

Blog ini merupakan blog peribadi penulis untuk berkongsi apo2 yolah dengan mereka di luar sana. Blog ini tidak mewakili mana-mana parti politik, organisasi, NGO mahupun tempat penulis bekerja. Hasil penulisan di dalam blog ini merupakan pandangan peribadi penulis sendiri melainkan dinyatakan sumber diperolehi. Penulis tidak bertanggungjawab atas masalah yang kronik bagi sesiapa yang mengunjungi blog ini. Terima kasih